VISITANDO A BIBLIOTECA MUNICIPAL

 Como todos os anos fomos de visita á Biblioteca Municipal da Sagrada Familia.

Alí, as nosas amigas Merce e Emma (e os seus compañeiros) contáronnos moitas cousas sobre os contos. Sempre aprendemos moito delas!!!

SAMAÍN NO CORNIDE!! ESTAMOS DE MEEEEEDO!!

 O día 28 de outubro celebramos o Samaín no colexio!

Para seguir as nosas tradicións, os nenos trouxeron cabazas baleiradas e decoradas, axudados polas súas familias. 

Moitísimas grazas pola vosa colaboración, porque estaban todas espectacularmente feitas!

                                                                 

E para crear aínda  máis ambiente, viñemos todos disfrazados cos traxes máis terroríficos que poidemos atopar, ata Faustino puxo as súas mellores galas!

E tamén houbo premios!

E ademáis, cada clase leu para todos nós, os arrepiantes relatos que inventaron e que nos puxeron os pelos de punta.

E aquí tedes o video, que con moito arrepío fixemos Jose e máis eu, porque descubrimos que o noso cole está cheo de esqueletos, pantasmas, zombis, vampiros...

Ata a próxima "monstruíños"!!

CONSELLOS PARA IDENTIFICAR A UNHA BRUXA!!

 Mirade ben este debuxo!

E lembrade ler este libro de Roald Dahl, con ilustracións de Quentin Blake que a min me gusta moito.

Este é un libro que todos os nenos do mundo deberían ler!

Xa que estamos entrando no tempo do Samaín, e para divertirnos pasando un pouco de medo, a profe Ana leu os consellos que lle dá a avoa ao seu neto para recoñecer a unha bruxa e escapar correndo.

Porque bruxas hai moitas, e están por todas partes, pode ser calquera muller que te atopes en calquer sitio, no super, no centro de saúde, mesmo no noso colexio...

A ver se atopades un par de bruxas nestas fotos?

E aquí escapamos todos porque sospeitamos que no noso colexio.... hai máis dunha!!!

Moito coidadiño coas bruxas e ...

ATA A PRÓXIMA SEMANA DE MEDO!!

RAPEANDO CONTOS!!

 

O outro venres, 15 de outubro, a cativería de 3º e 4 "RAPEOU " para todos nós un conto moi divertido.

Nesa cidade imaxinaria, comezaron a medrar cucurbitaceas  ( a buscar esta palabra no diccionario!), e a xente decidíu fabricar vehículos moito máis ecolóxicos.

Nestas fotos que fixen podedes ver canto ritmo teñen os rapaces e rapazas de 3º e 4º que foron a envexa de tódolos rapeiros do mundo enteiro.

E a continuación podedes desfrutar da súa actuación!!

INÉS E ELENA , GRANDES MÚSICAS NO CORNIDE!!

 A semana pasada,o luns, estaba eu no meu agocho mentres os nenos aprendían tranquilos.

Era un día como outro calquera de clase, eu buscando libros de mascotas, e pensando que as mellores mascotas do mundo son os ratos de biblioteca coma min!

Nesto que escoito unha música como de paxariños nun xardín, me asomo ao recibidor do cole, e vexo a dúas chicas moi guapas que estaban tocando a frauta traveseira.

Quedei abraiado!!

Inés e Elena explicáronnos as partes da frauta e tocaron un minueto de Beethoven.

Saquei estas fotos para que vexades o atentos que estabamos todos.

Volvede axiña, por favor, porque quedamos con gañas de moita máis música  e vervos tocar de novo.

Moitas grazas!!

Un gato moi larpeiro e pillabán!!

A vida de sixto é unha marabilla!

Vive en seis casas, ten seis donos e cea seis veces cada día, ata que un resfriado lle complica moito a vida.

A profe Ana contounos este conto para que teñamos moitos ollo coas nosas mascotas.

Ata a próxima, amiguiños.

Seguirei buscando contos das miñas  colegas mascotas.

UN COMEZO DE CURSO CON MOITO CONTO!!

 Estou encantado co comezo deste curso 22-23!!

Chegaron un lote de nenos e nenas moi contistas, e moi ilusionados en participar nos contos dos venres. 

Desde o meu agocho polas paredes do colexio fixen fotos e aquí tedes as súas marabillosas actuacións e tamén tedes os libros da nosa biblioteca para que volvades a lelos nas vosas casas.

Venres, 9 de setembro

Este é un libro moi velliño, dos primeiros que trouxen para este cole, pero é un dos preferidos de moitas xeracións que pasaron por aquí.

E un daqueles grupos regalounos o libro xigante feito por eles na clase de plástica, que usamos para lembrar esta historia tan surrealista .

E a profe Ana e os seus alumnos de 1º e 2º fixéronnos voar con "El pájaro Federico"

 

 

 

Venres,16 de setembro

"Orellas de bolboreta" é outro libro que tamén nos gusta moito, porque nos fala de non facer caso das tonterías e estar moi contentos co que somos (altos, baixos, fracos, gordos...)

E a profe Ana cos todos os nenos e nenas da clase contáronnos o conto 

Venres, 23 de setembro

"Todos menos uno" conta a historia dun chícharo que quería ser diferente aos outros chícharos e envidiaba a outros seres da natureza...

Os nenos e nenas de 3º e 4º fixeron unha representación maxistral.

Isto é todo polo de agora!!

Ata a próxima!!