Palabras Mariñeiras

Hoxe incorporamos aos fondos da Biblio un exemplar moi especial. Situámolo neses andeis que temos para libros de Edición Propia.
O seu título é Palabras mariñeiras e é un traballo dos nenos e nenas do terceiro ciclo de primaria.
Velaí algunhas das súas páxinas.

Unhas imaxes da Festa Son do Mar

Unha chea de nais, pais, avós, amigos,estiveron con nós o venres. Música, imaxes, poesía, contos e ata unha lección maxistral, encheron a nosa Biblio.

Máis páxinas do libriño Piratas

Aquí tedes máis páxinas do libriño PIRATAS,
Nesta ocasión trátase de traballos feitos polos pequechiños do colexio.

O venres temos a Festa das Familias

Esta é a invitación e o programa da festa que teremos o venres. Con ela rematamos o proxecto Son do Mar. Sabemos que a Biblio vaise encher de nais, pais, avós, amigos... Estamos contentos: sabemos que habemos vivir unha mañá especial.

O Libro dos Piratas

Velaí o terceiro e último dos Libriños que o Rato fixo para nós neste proxecto Son do Mar. Trátase dun caderno sobre piratas, no que todos nós traballamos, aprendendo os seus códigos e leis, tesouros, o seu lugar na historia, na ficción... e moito máis. Estas imaxes son dos maiores, pero todas e todos, desde infantil, temos cadanseu Libriño e traballamos coas mesmas propostas.

17 DE MAIO DÍA DAS LETRAS GALEGAS

A nosa Bitácora é moito máis que un lugar no que facer declaracións como as que hoxe enchen páxinas e páxinas.
Para a comunidade educativa do Colexio, incluido o noso Rato, as letras galegas son, e deben ser, a práctica cotián... Mirade este Blog.

Outro dos cadernos - Son do Mar-

Ademais do Poemario, o Rato elaborou para nós outros dous libriños nos que estamos a traballar todos neste cuatrimestre.

Un deles é o de Grandes Navegantes , un caderno circular cunha rosa dos ventos de portada, no que fixemos traballos referidos a famosos mariños, tanto históricos como de ficción.

Máis páxinas dos Poemarios

Seguimos a traballar nos nosos Poemarios. Todos, pequechos e maiores, lemos, recitamos, ilustramos...