RECOMENDACIONS LIBROS PARA REGALAR NO NADAL!!

RECOMENDACIONS

 Teño moitos amigos e amigas nas outras bibliotecas da Coruña, así que me acaban de enviar os libros que recomendan para regalar neste Nadal.

A desfrutalos!!

VISITA DOS PEQUERRECHOS Á BIBLIOTECA SAGRADA FAMILIA!

 O día 3 de decembro, fun agochado nun peto da profe Raquel (que non se enterou de nada)acompañando aos nenos e nenas das clases da profe Carmen e  a profe Ana. 

Apuntáronse tamén ao paseo Martín, María e a profe Isabel.

Desfrutamos do paseo, os pequenos da man dos maiores, que os coidaron con moitísimo cariño.

O parque de Vioño estaba precioso, coas suas cores de outono, e fomos fixándonos no que había no entorno: a rúa María Wonenburguer, a fábrica da Estrela de Galicia, os arces coas follas de cor marrón, amarela, vermella...

Logo, ao chegarmonos á biblioteca, os maiores escolleron contos para mostrarlles aos pequenos e todos estiveron moi atentos.

Para rematar, os de 1º e 2º colleron un lote de libros para levar prestados e usalos na Hora de Ler.

E así rematamos a visita e o paseo, esperando  volver pronto todos xuntos a diveritirnos cos libros!!
 

MADEIRA E METAL CON LAURA REY!!

 Aixa, unha nena de aldea, habilidosa e festeira, ten que marchar coa súa familia á cidade.

E daquela aparece a morriña.

Este é o conto que nos veu contar Laura Rey, unha amiga da profe Carmen, coa que todos desfrutamos moito.

SAMAÍN CURSO 24-25

 

NOVO CURSO, VELLOS E QUERIDOS CONTOS!!

 

Para comezar, a profe Ana, coa axuda dalguns nenos e nenas da súa clase, representaron este conto tan escatolóxico como tan divertido.

A historia de vinganza desta toupiña que a todos nos encanta!

E o venres 4 de outubro, a clase de 5º e 6º contounos outro clásico, A que sabe a Lúa?

E o día 11 de outubro, coa axuda das nosas amigas alemanas Ela,, Mia e Freya, que nos mostraron como soa o seu idioma , escoitamos outro dos nosos contos favoritos : El Grúfalo

Ata a próxima amiguiños, e xa sabedes que....

Vivir na Coruña que bonito é!

Mes das nosas letras. Actuacións.

 Actuaciós dos nenos e nenas de 3º e 4º para os máis pequeniños do cole polo mes das letras. Podedes clicar nos enlaces para acceder ás mesmas.

Quedamos sen palabras do ben que o fixeron.

O maio

A vella

Kamishibai

 Esta semana puidemos gozar dun conto tradicional australiano que atopei nesta última viaxe. Da man do profe Quique e da profe Belén e dun curioso aparello chamado Kamishibai descubrimos este conto que transcurre en Tasmania onde vivían e aínda viven os canguros grises orientais que, por raro que pareza, daquelas aínda non tiñan a bolsa marsupial

8 M. Día da muller

 Bo día amiguiños, polo 8 M tivemos  unha representación dunha obra moi especial. Unha princesa das de verdade coa que moitas se sentían identificadas. Unha princesa rabuda e moi valente á que non lle gustaba nada que decidisen por ela. 

A historia dunha xirafa moi especial

Unha xirafa camiñando polas rúas de París en 1827 deixou a todo o mundo abraiado. ¿Qué era esta estraña criatura con cornos, metade cabalo, metade camelo, con pernas incríblemente longas e lingua negra?

Zeraffa Giraffa  é unha historia dunha xirafa que é enviada dende África como agasallo ó rei de Francia. ¿Cómo poderá unha xirafa cun pescozo e unhas  patas tan longas realizar esta viaxe?

Grazas ó pai de Laura Sanmartín puidemos descubrir o final desta impresionante historia

Día do libro

 Polo día do libro os nenos e nenas do cole gozaron dunha xornada moi especial protagonizada polos maiores do cole que escolleron un libro para contarlles ós máis pequenos. Un apadriñamento lector ó aire libre que a todos deixou encantados e con ganas de máis.

ENTROIDO 2.024

 

 

Pica na imaxe para ver o vídeo das nosas actuacións.