O día 7 de marzo os nenos e nenas de 1º a 6º de primaria visitaron o MUSEO DO POBO GALEGO.
Eu tamén fun agochado nunha mochila das merendas para poder contar aquí o que alí vimos..
De mañanciña, acompañados dos seus titores e mestres, chegamos a Santiago co fin de coñecermos os apeiros que, ao longo dos anos, usaron para o seu labor todas as persoas galegas que traballaron no agro.
Apeiros agora en desuso a maior parte, e como dixo o profe José Luis, gran coñecedor do tema: " Forman parte do que somos como pobo, coma comunidade dun labor concreto e como grupo ubicado nunha sociedade que o compartía todo para medrar, modernizarse e apegarse a un solo do que sempre formarán parte."
![](https://blogger.googleusercontent.com/img/b/R29vZ2xl/AVvXsEgjVoQ2EAYc33eQlN4hVRRgfO3ngvj07XetP1VjfaSsd0dxyWJe662fe6ydMpalSS_wwADf9We54iR08vLnVQz9lUOeAKwzLQh9TT-i4yj-c4FYaK3nFAGSQePXBW7_sB4bYl3h9pXxxbyC/s320/mpobogal1.jpg) |
Apeiros tradicionais dalgúns traballos |
![](https://blogger.googleusercontent.com/img/b/R29vZ2xl/AVvXsEjEdrdl6ZAoGUiXzRqAbGgq-WcDfQ2uhYbM1OSCGxvqgDnzLZoiUdjS1vXhKeq9mvsXSrR1lkxejj3jaW_ri50Cdm_aYseAQLO_Qg-pDh1PzM-rOzKYgqW2XIE8HhaXHX6QAvyjHkYazauJ/s320/mpobogal2.jpg) |
Os nenos aprendendo moito e collendo notas |
Grazas aos amigos que o profe Marcos ten no museo, puidemos facer no colexio unha exposición con miniaturas prestadas e ben vixiadas por Faustino co seu disfrace de espantallo.
E agora, xa estamos dispostos a meternos a estudar e traballar no segundo proxecto deste curso: SEMENTANDO