venres, 12 de novembro de 2021

QUEN TEN CÚ, TEN MEDO!!

Hai anos, coincidindo coa chegada do outono, apañábanse as cabazas que se sementaran entre o millo. 

A rapazada que colaboraba na colleita era agasallada con algunhas destas cabazas para que tallaran nelas caveiras arrepiantes, e que as colocaran, a noite do  31 de outubro, cunha veliña dentro, nos camiños, nas fiestras das casas... co aquel de meterlle medo a toda a xente que pasase por alí.

Tallar caveiras nas cabazas é un costume galego, que no noso cole, e coa colaboración das familias que fixeron unhas caveiras espectaculares, e se expuxeron no escenario da entrada. (Moitas delas adicadas aos nosos maiores)

Moitísimas grazas a todos, e aquí tedes algunha fotografía da exposición.


E na hora do conto, algúns rapaces de 5º e 6º, representaron no guiñol o conto  "Corre, corre, cabaciña", demostrando o artistas que son.




E para artistas, pero da canción, a cativería de 1º e 2º demostraron o seu coñecemento de anatomía, nomeando os ósos do noso corpo co tema "O esqueleto" do grupo Migallas.

 


martes, 2 de novembro de 2021

VOLVEMOS COA HORA DO CONTO TODOS OS VENRES!!

Comezamos a nosa  tradición dos contos dos venres na HORA DE LER.
E, que mellor que un clásico que nos gusta a nenos e maiores?

O venres, 1 de outubro, Sheila, Diego, Ines, e Tomi como técnico de son, representaron en guiñol
unha adaptación do conto que titularon "O Rato Rosa".
Foron moi aplaudidos e quedamos con gañas de velos representar máis contos.



O seguinte venres, 8 de outubro, foi a profe Ana a que contou a versión de Kalandrada do Coelliño Branco, e ademais escoitamos "La cabra montesina", que é un conto que se escoitaba na radio na época dos avós, que é a mesma historia pero en castelán.
E o venres, 15 de outubro, lembrámosnos da Profe Marisol, que foi direcctora do colexio moitos anos.
Mandámoslle moitos bicos e escoitamos o conto "A lebre e a tartaruga", que ela escribíu e co que uns nenos que xa son maiores e marcharon para o Instituto gañaron un premio en Santiago no concurso "Tíralle da Lingua"
Con este libro aprendemos os nomes dos animais que habitan nunha fraga, e ademais, que non por moito apurar se chega sempre por diante.

E o mesmo día, os magos Diego e Inés, fixeron uns trucos de maxia que nos deixaron a todos abraiados.

E xa vos irei contando todo o que neste marabilloso e "máxico" cole vai sucedendo.
Ata a próxima amiguiños!!
 

luns, 25 de outubro de 2021

QUE BEN O PASEI COA CARREIRA ENKI!!












 O venres 22 de outubro, ben agachadiño para que ninguén me vira, espiei a todos os picariños e picariñas do colexio, e farteime de rir!!

O día foi estupendo e os nenos pasaron uns momentos ben divertidos, e ademais axudaron nunha boa causa. 

O ano que ven hai que repetilo!

venres, 22 de outubro de 2021



                                CARREIRA ENKI 2021




xoves, 16 de setembro de 2021

BENVIDOS AO COLE!!

 OLA!!  Eu son RATO, o voso amigo que vive na bibioteca.

Que contento estou!!
 Xa teño a todos os meus amigos aquí de volta!!
 Canto vos botei de menos!!

 Chega toda a cativería ilusionada, contenta, con gañas de xogar, cantar, contar, aprender, divertirse...
Vouvolos presentar:

A profe Ana cos seus cabaliños e cabuxiños!



O profe Carlos coas súas serpes e dragóns!


O profe Marcos cos seus tigres e coellos!!


A profe María cos seus monos e galos!!

                                            
         O profe Rafa que tamén ten galos e canciños!!



A todos vosoutros, nenos, profes e amigos do cole José Cornide, que teñades un bo curso cheo de aventuras que contar, que eu irei mostrando aquí de cando en cando.
Bicos e queixo para roer!!

 

venres, 21 de maio de 2021

MAIO DE FLORES E LETRAS

 Neste maio de flores e letras celebramos  a nosa lingua dunha maneira moi alegre!!

Fixemos entre todos un maio con herbas e flores traidas das nosas aldeas e fincas e, para seguir a tradición, cantamos cantigas populares e poemas de Manuel María e outros ao seu redor. 

E para a celebrar o 17 de maio, xuntámonos no patio e cantamos e recitamos nesta fermosa lingua que como un tesouro nos deixaron os nosos  maiores.

MIL PRIMAVERAS MÁIS PARA O GALEGO!!

A rapazada de 5º e 6º cantou a cantiga LINGUA GUAPA (letra de Fina Casalderrey e música de Nestor Blanco)


A cativería de 3º e 4º cantaron a cantiga popular UNHA VELLA TIÑA UN CAN...

Os pícaros de 2º cantaron a canción    O BURRIÑO (letra de Manuel María e música de Suso Vaamonde)


Os pequerrechos de 1º cantaron MIÑA ABUELA MANUELA (do grupo Migallas)

Os meniños de 4 e 5 anos, ensinaron a todo o mundo os traballos que hai que facer, se pan de millo queres comer (do grupo Migallas)

E recitaron o poema A POMBIÑA BRANCA de Gloria Sánchez

 
E tamén O CUCO (popular)       

                                          

                                         

E os nenos e nenas de 3 e 4 anos cantaron PACO PAPÁN, canción dun conto popular.

venres, 26 de febreiro de 2021

DÍA DE ROSALÍA

Ola de novo a todos e todas! Estes días o vestíbulo do cole convertíuse nun plató de televisión! Todos os nenos e nenas pasaron un por un diante da cámara, por suposto respectando sempre as medidas de seguridade, para recitar moi moi ben uns poemas co gallo da conmemoración do nacemento da nosa Rosalía de Castro. Déixovos aquí a testemuña!


Gozade moito do vídeo e dos nosos poetas! Boa finde!