XA ESTAMOS TODOS DE VOLTA!

Xa estamos todos xuntos aquí con moita alegría e gañas de aprender neste novo curso que comeza.
 Temos novos compañeiros no cole: Mikel, Oier, Elena Caridad, Elena Castro, Zoe García, Zoe Iglesias, Antón, Miguel, Ericsson, Alex, Cosmina e Desi. A todos eles..... BENVIDOS!!
Así que, o primeiro é facelos socios desta nosa biblioteca, para que poidan disfrutala. Tamén lles deixei ver a entrada da miña casa na parede, e escoitarme grazas á campaíña.
Aquí os vedes recibindo o carné que fixen para eles.

       

Despois do recreo, a profe Marisol leunos o conto dun gato pillabán e comellón, que por querer cear seis veces cada día, e enganar aos seus amos, tivo que acabar indo ao veterinario...seis veces!

Espero que o pasemos moi ben este curso, que fagamos moitas actividades divertidas, e que me escribades moitas cousas neste blog.

   ATA MOI PRONTO!

                                                         

 

Amigas e amigos:

Remata xa este curso, mais non as gañas de seguir disfrutando durante este looooooooooooongo verán que agarda. Eu estarei no bosque traballando e trebellando. O amigo Rato seguramente irá á praia e fará excursións ben divertidas para buscar saberes que compartirá convosco o curso que ven, aló por setembro. E... vós? Supoño que estaredes xogando e repasando o que aprendestes no cole estes meses, e estirando os días como un enorme arco da vella desde a mañá ata a noite. E, por suposto, non deixedes de botar un ollo aos Xogos Olímpicos, non vaia ser que apareza por alí Pepiño, como xa ten pasado outras veces. E non esquezades soñar sempre cos ollos abertos: así facían xenios e xenias como Maruja Mallo. E, por suposto, nunca deixedes de cantar e bailar!!!!!!!

PEQUENOS SI... PERO GRANDES LECTORES!

Venres, 8 de xuño, grande expectación no colexio. Eu, o voso amigo Rato,  decateime de que xa houbera moitos adultos lendo para nós, asi que para rematar os contos compartidos dos venres, tiñan que ler os que máis usan e disfrutan da biblioteca, os pícaros, os cativos, os nenos, vós.

Noemí de 1º, Laura de 2º, Alba de 3º, Lucía de 4º, Sergio de 5º e Sara de 6º, escolleron os seus contos máis queridos e subiron ao escenario para lelos con todo o seu sentimento, e como homenaxe a este curso que xa remata.

E a verdade é que non sabería dicir cal deles me marabillou máis.

SOMOS DE PRIMEIRA!!!

O DEPOR XA VOLVE SER DE PRIMEIRA!!
No cole tamén houbo unha gran celebración. 

                                                                                                                   

Ata Pepiño Grilo, que xa avisou que viña apoiar ao Depor, escapou da súa gaiola e aquí o tedes, no estadio de Riazor, berrando CRI,CRI, CRI xunto aos xogadores e celebrando a victoria.
Dende aquí  dicímosche: PEPIÑO, VOLVE CON NÓS, que te botamos de menos e queremos que nos contes como che foi indo de festa rachada con todos os seguidores do Depor.
PEPIÑO, TEN SENTIDIÑO!!

CHEGOU PEPIÑO!!!

Hoxe, martes 22 de maio, foi o día elixido por un amigo moi especial do cole para voltar xunto a nós como cada curso, desde Portugal. É o noso Pepiño, que xa tiña morriña de estar xunto aos peques de 1º ciclo.

Pero xa sabedes que este grilo é moi xoguetón , e a súa aparición tiña que ser orixinal.

Por iso falou coa profe Ana, e díxolle que esperaba aos nenos escondido na zona traseira do cole, aproveitando a grande altura que teñen agora as plantas...

Ana comunicou a nova aos nenos,e como vedes, puxéronse a buscar a Pepiño con toda a súa maña.

Despois dunha longa e animada inspección, o esforzo tivo a súa recompensa. Apareceu Pepiño, e xa está de novo connosco, como cada primavera. Benvido, compañeiro!!!!

FESTA OLÍMPICA

Desde o meu agocho da biblioteca, estiven axexando o que facían estes cativos con tantas medallas e bandeiras, preparando todo e bulindo para mostrar a todas as familias o moito e moi ben que aprenderon deste proxecto olímpico.

O mércores 16 de maio isto foi o que aquí aconteceu:

UNHA VISITA OLÍMPICA: ANDRÉS DÍAZ

O venres, 11 de maio, veunos visitar o atleta coruñés Andrés Díaz, que nos falou da súa experiencia nas olimpiadas de Sidney e Atlanta, e de cando conseguíu a mellor marca de Europa nos 1500 metros en pista cuberta en Atenas ,  que aínda non foi superada. 

Aquí vos deixo o video da final de Sidney, na que gañou o diploma olímpico.

Falounos tamén dos valores do deporte, da constancia, do esforzo, do traballo en equipo, da superación...

Contounos anécdotas, respondeu ás nosas preguntas e fíxonos pasar un rato olímpicamente instructivo e...
divertido.

GRACIÑAS, ANDRÉS¡¡¡