DÍA DE EUROPA: A MIÑA AMIGA LAURA MARÍN E A MÚSICA BALCÁNICA

O día 9 de maio foi o día de Europa, e para conmemoralo invitei á miña amiga Laura Marín para que nos falara e nos contara cousas interesantes dunha zona de Europa que se chama os Balcáns.

Ela, que é aventureira e viaxeira coma min, canta e tamén compón cancións que se cantan en paises como Bosnia, Macedonia, Serbia, Croacia, Montenegro...

A miña amiga é unha antiga alumna do noso colexio.

Pasou aquí nove anos e dixo que neste cole foi moi feliz, fixo moitos amigos  e aprendeu moito.

Dende pequena lle gustou a música e especialmente a dos Balcáns, estudiou o idioma e foi a clases de canto. Despois viaxou a eses paises e incluso deu concertos alí con moito éxito.

Mirade o guapa está cun traxe de festa especial para a súa actuación!!

No mapa de Europa situou os paises balcánicos.

 E aquí tedes o video para que apreciedes ben a súa preciosa voz e o boa compositora que é!!

GRACIÑAS LAURA POLA ACTUACIÓN DE HOXE.

QUEDAMOS TODOS ENCANTADOS!!

MOITA SORTE!!

UNHA VISITA MOI AGARDADA: O PROFE MARCOS VEN FALAR DA SÚA FAMILIA.

Este ano, as Letras Galegas están adicadas a todas aquelas mulleres que interpretaban cantigas da nosa música tradicional e popular e que as conservaron e transmitiron aos seus amigos e  familiares ata chegar a nós.

Dúas daquelas mulleres , Rosa e Adolfina, de Cerceda, eran a avoa e a madriña do profe Marcos que estivo no noso cole ata hai tres cursos.

Así que o profe Marcos fíxonos un oco na súa apretada axenda , e veu contarnos a historia cantareira da súa familia. Agora xa sabemos por que ao profe Marcos lle gusta tanto a música.

Tamén nos falou de Dorothé Schubarth, a musicóloga suiza que hai tempo recorreu Galicia gravando e recollendo todas as coplas populares que as cantareiras sabían

Grazas a ela toda esta riqueza non se esqueceu.

Cantounos varias cancións que aprendera con elas e para rematar pedíulle á nosa Laura que cantase, e ela  fixoo tan ben que quedamos todos abraiados.

A continuación podedes escoitala.

 

 

UNHA PARELLA DIFERENTE...EN LINGUA DE SIGNOS!!

 

A profe Carmen e máis a súa amiga Raquel, que é unha experta en lingua de signos, nos contaron esta historia dun crocodilo e unha xirafa pero a profe Carmen contounolo con palabras, e Raquel usando as súas mans.

E todos aprendemos a saudar, aplaudir e dicir Coruña en lingua de signos.

E moitas palabras máis.

Foi moi divertido!!!

FELIZ ANINOVO CHINÉS!!

 O ano novo para a cultura china vaise celebrar todos os anos na segunda lúa nova despois do solsticio de inverno. Hai desfiles con dragóns e moitos fogos artificiais.

No noso cole tanto non facemos, pero para celebrar o ano novo chinés, que este ano cadrou o 29 de xaneiro, collemos este conto da nosa biblio e coa axuda de Iván e Noé , a profe Ana contounos a lenda de por que o dragón é o máis apreciado en toda China.

Mentres a profe lía unha folla en galego, Iván e máis Noé lían un cachiño en chinés, e así todos puidemos apreciar como é a músicalidade e a escritura dese idioma tan diferente ao noso.

Foi un conto máxico  que a todos nos encantou.

E Noé e Iván fixérono

ben, ben, requetebén!!

O FABRICANTE DE SOMBREIROS!

O señor Martus era fabricante de sombreiros, fabricou moitos , moi estrafalarios.

Os seus sombreiros eran para quitar o sombreiro, se queres coñecer algún, colle este libro que acaba de chegar á nosa biblioteca.

Cun anaco de nube fixo un sombreiro para o sol, outro para a choiva con forma de tellado, un de palla para os labregos, un de pirata co mapa dun tesouro...

E a rapazada de 3º e 4º, que son uns artistas, contaron e cantaron pedazos deste libro que está feito por David Pintor e Carlos López.

Aquí vos deixo algunhas fotos da marabillosa actuación do venres 17 de xaneiro.

Ata a próxima amiguiños, quedo agardando pola seguinte actuación, mentres me dedico a roer algunha foto antiga de Coruña, que teñen moito sabor!!

RECOMENDACIONS LIBROS PARA REGALAR NO NADAL!!

RECOMENDACIONS

 Teño moitos amigos e amigas nas outras bibliotecas da Coruña, así que me acaban de enviar os libros que recomendan para regalar neste Nadal.

A desfrutalos!!

VISITA DOS PEQUERRECHOS Á BIBLIOTECA SAGRADA FAMILIA!

 O día 3 de decembro, fun agochado nun peto da profe Raquel (que non se enterou de nada)acompañando aos nenos e nenas das clases da profe Carmen e  a profe Ana. 

Apuntáronse tamén ao paseo Martín, María e a profe Isabel.

Desfrutamos do paseo, os pequenos da man dos maiores, que os coidaron con moitísimo cariño.

O parque de Vioño estaba precioso, coas suas cores de outono, e fomos fixándonos no que había no entorno: a rúa María Wonenburguer, a fábrica da Estrela de Galicia, os arces coas follas de cor marrón, amarela, vermella...

Logo, ao chegarmonos á biblioteca, os maiores escolleron contos para mostrarlles aos pequenos e todos estiveron moi atentos.

Para rematar, os de 1º e 2º colleron un lote de libros para levar prestados e usalos na Hora de Ler.

E así rematamos a visita e o paseo, esperando  volver pronto todos xuntos a diveritirnos cos libros!!