venres, 6 de marzo de 2009

Mateus comeza un poema.


Amigas e amigos:
Como sabedes, os trasnos sómosvos un pouco argalleiros, e sempre se nos dá por andar en compaña dos esquíos e as curuxas, mestres en buscar sempre cousas novas onde parece que non as hai e en deixar un pouso de sabedoría en cada palabra, ou máis ben ouleo, nomeadamente ás noites. Características estas que tamén se poden aplicar ás artes, como ben sabía o admirado Luís Seoane, home a quen a luz que viña da Torre de Hércules lle viña contar segredos e descubrir maravillas mesmo en América, onde, contra a súa vontade, tivo que pasar ben anos.


Pois ben, unha das grandes paixóns da súa vida, como xa vos terán contado, era a poesía.
E, digo eu: que vos parece se facemos un poema cada semana entre todos? Eu son dos que pensa que cada quen ten algo ben grande e fermoso que dicir, colaborando nunha creación colectiva: cada un vai facendo un verso, poñémolo aquí, na nosa biblio, e logo segue outro ou outra continuándoo co que mellor lle pareza. Así, aos poucos, faremos algo que pertencerá a todo o mundo.
Isto facémolo moito nos bosques, e non deixamos de seguir aprendendo con cada verso, porque a realidade é tan grande e fermosa como nós queiramos...

Que vos parece se o primeiro poema llo dedicamos a unha Torre?
Aquí vai un primeiro verso:

“HAI UNHA TORRE OCULTA ENTRE AS MANS”

Quen queira seguir pode poñer o segundo verso, e seguirmos asi até que sintamos que rematou (este poema, claro, despois virán os que nos apetecer). Propoño que participen nenos, profesores, pais e nais, e, como non, o meu grande amigo Joaquín. E tamén ti, que estás a ver isto ao pasares polo blog...

(P. D.: se queredes non ten por que levar rima. A única regra é a Liberdade e seguir a vosa sábia intuición).

9 comentarios:

Anónimo dixo...

QUE ESTA CHEA DE SEGREDOS QUE PODES ATOPAR

Anónimo dixo...

Hai unha torre oculta entre as mans
que está chea de segredos que podes atopar

Quen se atreve a seguir?

Grazas, Anónimo.

Anónimo dixo...

segredos que alumean na noite aos mariñeiros.

Hai unha torre oculta entre as mans
que está a de segredos que podes atopar.
Segredos que alumean na noite aos mariñeiros,

Anónimo dixo...

Vai así:

Hai unha torre oculta entre as mans
que está chea de segredos que podes atopar.
Segredos que alumean na noite aos mariñeiros,

Anónimo dixo...

Hai unha torre oculta entre as mans
que está chea de segredos que podes atopar.
Segredos que alumean na noite aos mariñeiros,
e as mulleres que agardan por eles no peirao.

Anónimo dixo...

Hai unha torre oculta entre as mans
que está chea de segredos que podes atopar.
Segredos que alumean na noite aos mariñeiros,
e as mulleres que agardan por eles no peirao.
Descalza pasa a luz sobre o asombro

Anónimo dixo...

Hai unha torre oculta entre as mans
que está chea de segredos que podes atopar.
Segredos que alumean na noite aos mariñeiros,
e as mulleres que agardan por eles no peirao.
Descalza pasa a luz sobre o asombro
onde dormen as aves fecundadoras do tempo.

Anónimo dixo...

Espida se verte sobre as pálpebras

Mateus dixo...

Hai unha torre oculta entre as mans
que está chea de segredos que podes atopar.
Segredos que alumean na noite aos mariñeiros,
e as mulleres que agardan por eles no peirao.
Descalza pasa a luz sobre o asombro
onde dormen as aves fecundadoras do tempo.
Espida se verte sobre as pálpebras
a estrela transparente dos soños.