venres, 15 de decembro de 2017

RECOMENDACIÓNS DOS RATOS DAS BIBLIOTECAS

Xa sabedes que os ratos somos moi amigos das bibliotecas.
 A verdade é que en cada biblioteca vive un rato, o que pasa é que somos moi tímidos e non queremos que nos vexan.
O outro día estiven de visita na biblioteca RATICONTO, do colexio de Coirón, que é onde vive un dos meus curmáns, e regaloume unha chea de recomendacións de libros e lecturas para estas vacacións que estan a chegar.
Así que BBOAS VACACIÓNS CHEAS DE PAZ E LIBROS!!
Moitos bicos.


luns, 6 de novembro de 2017

COLEXIO MONSTRUOSO (Samaín no Cornide)


 QUEN TEN CU, TEN MEDO!!! 

 Todos temos algún medo. Eu téñolle pánico aos gatos, os gatos aos cans, os cans aos lobos e así sucesivamente.
Tamén hai que teme ás arañas, os fantasmas, ao seu profesor, aos hospitais, aos políticos, aos banqueiros...
Pero eu creo que a quen hai que terlle realmente medo é aos protagonistas deste vídeo, que nos mostran a súa verdadeira cara, xa que so no Samaín os vemos como realmente son.
Graciñas a Jose por retratalos e desenmascaralos.
Picade no vídeo e preparadevos para pasar un rato terrorificamente divertido.
Ata a próxima amiguiños.



mércores, 25 de outubro de 2017

AÍNDA ANDO POR AQUÍ!!

Si, si, si... Aínda ando por aquí.
Pensábades que andaba de vacacións, ou que xa me esquecera de vós, ou que atopei unha biblioteca mellor?
Nada diso. Eu sigo no José Cornide para todo o que faga falta. Así que disposto a irvos contando o que vou espiando neste colexio.

Preséntovos ás novas fichaxes deste curso: Novos nenos e novos profes. Espero que todos sexan bos usuarios da nosa biblioteca.




Comezamos coas nosas visitas mensuais á biblioteca da Sagrada Familia, disfrutando dun agradable paseo polo parque de Vioño, e traendo as mochilas cargadas de libros marabillosos para a  HORA DE LER.




Seguindo as nosas tradicións máis queridas, os venres día de contos compartidos.
E os vellos profes Rafa e Ana, contaron o conto AVÓS, que é un dos meus preferidos e que me fai sorrir con moita tenrura.






E a profe Rocío, co precioso galego
que fala, foi traducindo  DER GRUFFALO que en
alemán nos ían lendo as nosas amigas xermanas.

E ata a próxima amiguiños.
Porque as próximas serán novas arrepiantes...!!

mércores, 7 de xuño de 2017

mércores, 3 de maio de 2017

luns, 6 de marzo de 2017

XOSÉ IGLESIAS, O POETA DO MAR

Que sorte que faga mal tempo!!


Pola emoción coa que nos falou Xosé Iglesias da súa vida de mariñeiro desde os 9 anos en Cee, e a paixón por todo o que ten que ver co mar (tamén constrúe maquetas de barcos e acaba de publicar un poemario: "A relixión do mar") sabemos que lle amarga ben quedar en terra. Pero grazas ó mal tempo que había hoxe no mar puidemos telo connosco.
E se ben non pescou no mar, sí que conseguiu que todos caesemos na súa rede. Porque nos puxo un cebo moi apetitoso. A todos nos leva idea o mar, a praia, o peixe e o marisco... pero non imaxinabamos que o mar pode ser fluorescente cando hai mar de ardora; e non  sabiamos que hai tiburóns peregrinos de tres e catro metros moi pertiño de Riazor (sen dentes, ollo!), e tartarugas enormes perto da torre de Hércules, e golfiños en Santa Cristina...

Nun barco de 9 metros anda de luns a venres a procurar o seu sustento pescando para nós. Pesca xarda, salmonete, polbo, abadexo, rape, centola, sardiña..... e coñeceu o mar de Rockall, perto de Irlanda, para caer na conta de que o seu mar é este, o mar de María Antonia. Se o vedes por aí, a faenar no "Primeiro Villar", saudádeo, que estará encantado de responder coa súa buguina.
Aquí o tedes en acción, recitando un dos seus poemas.
Medre o mar!


venres, 3 de marzo de 2017

xoves, 9 de febreiro de 2017

FESTIVAL XUNTARTE


O venres 27 de xaneiro, vari@s nen@s que coñezo ben, foron a Culleredo a unha xuntanza moi artística. Bailaron e cantaron con sete coles máis da Coruña, no IES Universidade Laboral.
Aproveitei para coarme alí, e reunirme cos meus colegas ratos, e gravamos en segredo un vídeo da súa actuación, que aquí vos agasaiamos.
Está tal como saiu, con tódolos "accidentes" que ocurriron durante a representación, para que vexades que airosos saíron os rapaces do Cornide desas dificultades. É que cando hai táboas...


luns, 6 de febreiro de 2017

UNHA CLASE "COLLIDA CON PALILLOS".

Xa que entramos no novo ano chinés, o ano do galo, decidimos achegarnos un pouco a esa cultura milenaria.
 Susana aceptou ensinarnos como comen na súa casa e deunos unha lección cos pauciños chineses.
Resultou máis complicado do que parecía, a algún pícaro  poucos gusanitos conseguíu pillar.
Esperemos que na proxima lección encheremos un pouco máis o bandullo.
Aquí vos deixo un tebeo que relata o que  aconteceu ese día.
Ata a próxima lección.


  

mércores, 1 de febreiro de 2017

NOVO ANO CHINÉS E DÍA DA PAZ

Para celebrar o día da PAZ no noso colexio, escollemos un conto chinés que fala do nacemento do dragón, como símbolo da paz na cultura china, e así conmemorar tamén o ano do galo que comeza.


Marisol leu o conto, que temos na biblioteca escrito en galego e en chino. As ilustración vímolas na pantalla e son espectaculares.


Despois, os cativos de 5º e 6º, cantaron con percusión de pauciños chinos  "Soio con tres letras".


Quedamos todos contentos e con moitas gañas de que o mundo sexa dunha vez un lugar en paz.

luns, 16 de xaneiro de 2017

CHÁMOME JOSÉ CORNIDE.- FESTA DAS FAMILIAS



 

UN TEBEO CON MOITA HISTORIA

A rapazada de 3º e 4º, coa axuda da profe Sabela, fixeron a historia da Torre de Hércules en forma de cómic.
Pero era un cómic singular, xa que os personaxes que aparecen na historieta son eles mesmos.
Mirade con atención que marabilla de tebeo, e o guapos e guapas que están eles como romanos, ártabros, reis, raiñas e demáis protagonistas da historia deste símbolo da nosa cidade.



Graciñas e unha lembranza moi sentida de todo o colexio á estupenda profe Sabela.
Sorte nos proxímos coles, que eles terán sorte de terte con eles.
Bicos, bicos, bicos...