Unha viaxe estelar

 Neste cole recibimos moitas visitas e no referente ás viaxes non nos poñemos límites. Neste caso acadamos un novo record saíndo do planeta Terra e descubrindo todo o sistema solar en inglés, nunha divertida representación que nos deixou abraiados.

Unha visita moi especial

Xa chegamos a Cuba e que mellor guía para coñecer este país que a familia de Valentina que decidiu agasallarnos cunha presentación moi especial do seu país natal e incluso demostrándonos as suas dotes para o baile.

Os nenos de 5º e 6º leron uns versos de José Martí e a nosa querida Ana dinamizou a presentación deste país ó que tanto cariño lle ten.

Incluso Faustino vestiuse para a ocasión.

Unha xornada terrorífica

 Bo día amiguiños e amiguiñas... espero que vos guste a miña sorpresa.

 O samaín é unha das miñas festas favoritas como xa sabedes e encantoume vervos a todos e a todas disfrutando dese corto terrorífico que fixemos con tanto cariño e esmero o meu mítico amigo Jose e mais eu.

E así todo o barrio descubrirá que os máis monstros de todos os monstros do mundo mundial son os pícaros e pícaras do José Cornide!!

A continuación déixovos  unhas fotiños para que poidades disfrutalas na casa. Noraboa tamén os gañadores do concurso de cabazas, estaban de medo!!

Vémonos pronto nunha nova aventura, ide preparando as maletas con destino a...............

Historias mexicanas

 Aproveitando a nosa viaxe a México e a próxima celebración do samaín as profes Ana e Belén contáronnos unhas historias e lendas mexicanas aterradoras. Algúns nenos e nenas tamen tiñan preparados uns contos de medo que nos deixaron cos pelos de punta.

Ademais alguns dos amiguiños máis maiores do cole sorprendéronnos con curiosidades sobre este país. Sabíades que en México teñen o volcán máis pequeno do mundo?

Seguimos coa aventura...

México

 Bo día!!!! por fin comezamos o noso proxecto de viaxes polo mundo. Este ano decidín levar unha nova vida como ratinfluencer. O meu obxectivo é visitar todos os países dos nenos e nenas da nosa escola e sacarme moitas fotos. O noso primeiro destino é México, os nenos e nenas de tres e catro anos fixeron unha presentación das cousiñas máis características deste país tan colorido. 

Proximamente teremos novas sorpresas, ide preparando a maleta.

A oruga larpeira

 O outro venres coñecimos a unha oruga moi larpeira, cada día da semana tiña unha comidiña nova lista para zampar. Con este conto aprendimos moito vocabulario e xusto saía a palabra da semana AMORODO.

El pez arcoiris

 Bo día amiguiños, este venres mergullámonos nesta bonita historia dun peixiño moi colorido. Aproveitando a visita tan especial que temos estas semanas no cole decidimos ler o conto en galego e en alemán. 

Vémonos pronto amiguiños, temos moitas sorpresas esperando por vos!

A toupiña

 Moito nos gustan estes temas tan escatolóxicos. O pasado venres rimos e disfrutamos xuntos desta obra tan divertida. Como este ano andamos moi viaxeiros mentras a profe Ana contaba esta simpática historia en galego o profe Quique fixo a súa versión en italiano e descubrimos que algunhas palabras parecíanse moito!

Que nos esperará na próxima semana?

O galo Kiriko

 Co bo día que tivemos que mellor forma de desfrutalo que co noso clásico galo Kiriko á sombra da árbore dos contos. Que momento tan máxico.

A nosa profe Ana, chea de ilusión, narrou esta gran historia mentres os profes Quique, María, Patri, Jessica, Carlos, Silvia, Begoña e Cristina a representaban con moita gracia. O meu amigo Jose axudounos a darlle algo de marcha a esta historia cun fio músical.

Podedes ver aquí un pequeno fragmento

Benvidas un ano máis!

 Ola amiguiños e amiguiñas que ganas tiña de vervos de novo polo cole. Este ano temos moitas sorpresas esperando por vós, queredes acompañarnos nesta gran viaxe?

Temos novos acompañantes que disfrutarán con nós desta nova aventura. Empezamos por todo o alto cun dos nosos clásicos "Que ven o lobo" un conto cheo de sorpresas onde nada é o que parece. 

A profe Ana, narrándonos dun xeito tan especial a historia.

e co noso tradicional acompañamento musical. Neste cole temos moita arte.

Esperámosvos para a próxima historia. Esta estivo ben, ben, requete..beeeeen!

CONTO EN INGLÉS: CLUCK-A DOODLE DOOOO!

 

As nenas e os nenos de 3º e 4º demostraron o seu dominio do idioma inglés contándonos este conto dunha galiña que quería cantar como un galo.

Coa axuda da nosa auxiliar de conversa, Velika, que chegou de Australia , fixeron unha actuación magnífica

Esperamos a Velika, o curso que ven, cos brazos abertos!!

TEDES CARA DE LIBRO!!! 23 DE ABRIL NO CORNIDE

Este ano, para celebrar o DÍA DO LIBRO, fixemos un BOOKFACE, que non é o mesmo que un facebook!

A rapazada do cole, e tamén o profesorado, escolleron un libro e fixeron unha foto para facer unha montaxe simpática e dar publicidade a moitos llibros moi chulos que temos na nosa biblio.

Adiviña, adiviñanza, quen se agocha detrás ?

 

¡ EL GALLO KIRIKO!

 Un dos meus contos favoritos!!!

EL GALLO KIRIKO

Este conto era un dos que a profe Ana escoitaba na radio cando era moi pequena, e a profe María de educación física pedíalle á súa mamá que lle contara unha e mil veces!!

Pois os profes Quique, Carlos, Patricia, Ledicia, Jessica, Aida e María representaron no escenario este conto que nos fixo gozar a todos moitísimo.

Que bos actores!! 

Que bos disfraces!!

Aquí tedes unhas fotos que demostran o ben que o fixeron e canto nos rimos todos!!

A narradora e Gusanito

O galo Kiriko, a choiva, o lume, o pau, a cabra e a leituga

A profe Ana, con moita emoción, facendo de narradora

Agardamos que despois deste gran éxito, haxa máis representacions dos profes no escenario.

O TENDAL DE ROSALÍA!

 O día 23 de febreiro celebramos o DÍA DE ROSALÍA!!

 Rosalía é unha muller que representa a nosa terrra, Galicia, os nosos sentimentos, paixases, inquedanzas, festas...

Cantarte hei, Galicia,

teus dulces cantares, 

que así mo pediron

na beira do mare.

Por iso, o alumnado deste cole, quixo facerlle unha homenaxe sacando os seus poemas ao aire, para que voen por riba das cabezas das xentes que a queren, e prenderon os seus poemas nun tendal.

E aquí podedes ver aos pÍcaros colocando os poemas escollidos no tendal da entrada do cole.

MIL PRIMAVERAS MÁIS PARA ROSALÍA

AMORES DE GATO E RATO!!

 Este é un libro de amores imposibles!

A profe Ana contounos este conto rimado, moi gracioso, en que un gato parvo  quere namorar e papar a un rato moi pillabán, e as cousas non lle saen  como esperaba:

E nunca máis tivo a tentación 

de cazar un rato finxíndolle amor.