domingo, 26 de xaneiro de 2014

BRUNILDA E ESCURA


As rapazas do 3º ciclo tiveron a feliz idea de adaptar unha historia dun libro da nosa biblioteca. Así que, moi dispostas elas, o día 24 de xaneiro, entraron no camerino, e do camerino saíron bruxas, gatiños e maxia, que levaron ao escenario para divertirnos a todos.
Eu, coma sempre, agochado e silandeiro, gravei a actuación para que o mundo mundial comprobe a calidade dos artistas deste colexio.



martes, 14 de xaneiro de 2014

VISITA DE MONCHO DO ORZÁN AO COLE

O venres 10 de xaneiro, o día despois de volvermos novamente a clase, veu polo cole Moncho do Orzán, que nos deixou coa boca aberta ao falarnos, xunto ao profe Marcos, sobre o acordeón.
Os dous fixeron un repaso sobre a historia deste instrumento musical, e mostraron de que partes está formado. De feito, Moncho abriu o acordeón que traía (de máis de 50 anos) para satisfacer a nosa curiosidade. Soubemos que está feito de varios materiais, como se fai soar e, entre outras cousas máis, as diferenzas que ten con outros instrumentos.
Un auténtico luxo, porque non foi só algo teórico, senón que fixeron uso do seu grande talento e deleitaron os nosos oídos con varios temas tradicionais galegos e mesmo un valse francés.
E, por se fose pouco, saíron ao escenario as alumnas e os alumnos de 5º e 6º de primaria para acompañar os músicos cun dos temas que representaran na festa das familias de decembro!!!
Canto aprendemos, e canto disfrutamos. Que máis se pode pedir? Moitísimas grazas a Moncho e a Marcos!

luns, 13 de xaneiro de 2014

FESTA DAS FAMILIAS

O día 20 celebramos no colexio a festa das familias do proxecto PINGAS DE H2O. Todos os rapaces e rapazas do colexio pasaron polo escenario e presentaron os traballos e aprendizaxes...
¡Que ben o fixeron!




Eu xa tiña avisado aos Reis Magos para que recolleran as cartas de todos, e tamén estiveron aquí.


Deixovos neste blog as imaxes desta
 "FESTA PASADA POR AUGA"