sábado, 31 de marzo de 2007

Xurxo Souto na nosa Biblio



Hai unhas horas Xurxo foi o Rei das palabras no trono da nosa Biblio.
Nestes meses andamos a navegar nun tema que chamamos Son do mar e que se centra nalgúns dos que fixeron e fan do mar o seu lugar de vida: navegantes que sulcando mares atoparon terras; homes e mulleres piratas que por selo pasaron á historia; un pintor da nosa Coruña que encheu táboas, paredes e máis, cun mar soñado... e, como non!!, as nosas xentiñas de mar: pescadores, mariscadoras, mariñeiros, mulleres de Muro e posto de peixe... porque somos cascarilleiros e o mar tennos rodeados.


Xurxo lembrounos que nós vivimos nunha cidade-barco, suxeita á terra só pola Torre que nela nos espeta. Convenceunos da necesidade de levar sempre un cacho de pan cando nos achegamos á praia, por se fósemos quen de albiscar o retorno dun home mariño. Amosounos o xeito de invocar ao océano cunha soa palabra:
oooOOrrr-zan!!!... Todo iso e máis, moito máis, fixo Xurxo na nosa Biblio.
MI MADRIÑA!! Que grande es, amigo Xurxo. Vai para ti todo o noso respecto e agradecemento e... unha aperta poderosa!!!

4 comentarios:

Anónimo dixo...

Quiero que vuelva otra vez.ALDARA (4 AÑOS)

Anónimo dixo...

Nos gustò el sonido del mar en Coruña,es asì: OOOORRRZZZAAANNNN.PABLO (3 años)

Unknown dixo...

Ola chámome Sofía. Quería decirvos que Xurxo Souto é un home simpatiquísimo. Reinme moitísimo con él e quero que volva e se quede para sempre con nós.
Sofía (6º)

Unknown dixo...

Ola, son Antía e quería dicir que Xurxo Souto é un gran home de mar. O día que veu ensinounos moitas cousas do mar.Foi un gran convidado.

Antía(6º)