Mensaxe do amigo Mateus.

Amigos e amigas:
Vexo que estes meses ides aprender moito sobre os bosques, onde levo toda a miña vida. O Rato estívome contando o proxecto, e eu ben vexo que estades contentos, e con gañas de aprender.

Así que, que vos parece se vos propoño un xogo?

Como creo que ainda non me vistes, nen sabedes moito de min, penso que estaría ben que contasedes como credes que é vida dun trasno como eu no bosque: onde vivo, que como, en que ando enredando, que roupas levo, que árbores son as miñas preferidas ou cales son os meus amigos alí (a ver se coincide coa realidade, xa vos irei contando).

Que, apetécevos?

Fragas do Eume

Sei moi ben que o colexio está a encherse de bosques.
Mesmo estou enterado de os bosques protagonizarán o Entroido que se achega xa.



Sabedes vós que moi, moi pertiño de nós temos un bosque moi especial??
Así é!! Son as Fragas do Eume.
Lede, lede aquí e saberedes do seu inmenso valor.

Agora, convídovos a dar un pequeno paseo...para ir facendo boca, porque...desde o meu burato oín falar de que axiña, ao chegar a primavera, IMOS IR ALÓ todos os que neste colexio vivimos!! Así que, para irmos coñecendo o lugar que imos visitar,déixovos este enlace.

Que me decides? Gustouvos? A min... MOITO! tanto, que xa relambo os bigotes pensando na viaxe que imos facer!!

Nas mans do Avó Rato.

Nas mans do meu Avó, no vestíbulo do colexio, deixei onte este libro (con estrela verde: matem/c. naturais) que se elaborou recopilando traballos e saberes no anterior proxecto, en Infantil.

Axiña irá a lucirse nas casas dos autores, para que as familias lean, xoguen pegando e despegando e así, aprendan sobre paxaros.

Hoxe, disfrutámolo todos desde o seu lugar preferente no vestíbulo.

Novo tema (información para as familias).

Completamos o documental.

Hoxe déixovos aquí os dous videos que faltan para completar o documental sobre bosques estacionais.
ÉSTE fala de bosques caducifolios e ESTOUTRO lévanos ao remate.

Deixo tamén estas imaxes do que anda a suceder no bosque do vestíbulo, que medra e vaise enchendo... mesmo con algún personaxe perigoso que se agocha tras a planta (Loreto tiña razón no seu comentario)

Claro que, se vos fixades ben, podedes descubrir algún outro ben simpático... como o Gruffalo!

Sodes bos adiviños!!

Vexo que non precisades máis pistas.
Aínda así... mirade o que fixen esta noite no vestíbulo do colexio!!

Hoxe déixovos estas imaxes... e un novo capítulo do documental sobre bosques do mundo.

Comezamos outro proxecto.

Xa vos advertín que ando a roer nun novo tema!

Hoxe déixovos este vídeo e máis este outro, como agasallo... e pista.

Sabedes xa sobre que imos aprender?